دي ناس زهقت وقالت كفاية ياليل

فيهم فاطمة ومحمد وماريا وميشيل

مسلم ومسيحي مفيش فرق ولا تفضيل

بنات وشباب زي الورد متربي ومثقف وجميل

عالفيسبوك والتويتر صبرهم طويل

يوم 25 نزلوا للشارع بيقولوا طفح الكيل

الإيد في الإيد من غير نقاش ولاتطويل

في مظاهرة سلمية بتنادي آن اوان الرحيل

لكن الحزب والعادلي وروا الناس الويل

الدم بقى في الطرقات بيسيل

مياه ومطاطي وغاز للدموع مسيل

وعربيات مجنونة للناس بتشيل

وبلطجية بالطوب والسيوف والخيل

وفصلوا الموبايل والنت قطع الفتيل

والجزيرة بقت بتعرض يادوب بالحيل

الحقيقة طبعا مش زي ماقالوا تهويل

مباشر صوت وصورة بالتفصيل

ومثقفين وعوا الناس بالحوار والتحليل

والقنوات المصرية بتعرض صورة النيل

بتقول مفيش حاجة ناموا يامساطيل

وفنانين وساسة ومثقفين مهابيل

بيبكوا ويقولوا في الريس مواويل

والريس بيقول مش هيمشيني الا عزرائيل

انا عنيد مش هتزحزح ولو حركتوني بفيل

انا حريص على مصلحتكم مش دمي تقيل

انا كل همي العدل انا مش بميت مكيال بكيل

صحيح انا هربت جمال ورشيد بس قبضتلكم على عز ستيل

انا خدمتكم 30 سنة انا مش حرامي ولاعميل

انا صاحب الضربة الجوية الاولى انا عسكري اصيل

وصاحب الضربة البرية الاخيرة في موقعة الجمل والخيل

يالله بقى روحوا بيوتكم وكفاية جنان وتهبيل

ياريتك ضربت مصر الضربة الاولى وحكمت 30 سنة في اسرائيل

ياشباب ياللي في التحرير خليك واعي واصيل

خليكوا ثابتين اوعوا تروحوا قبل ما تكملوا الجميل

اللي قصادكم مش حسني دي امريكا واسرائيل

اللي عملتوه مش شوية ده جهاد وعمل جليل

خليتوا الناس تتنفس حرية بعد ليل طويل

حافظتوا على اثار مصر ونزلتوا في الميدان نظافة وغسيل

ومستشفى ميداني ولجان شعبية دانا مهما قلت هيبقى قليل

اسمعوا كلام الحكماء مش المنافق والعميل

اسمعوا للقرضاوي وبشارة ونافعة واسكندر والعوا 

والبلتاجي وحجازي وغيرهم عشان المركب ما تميل

قلبي معاكم كان نفسي انورلكم صوابعي العشرة قناديل
 
خير اجناد الله في الارض، مهما قالوا أوقيلمحمد منير

سواء هو ابن النيل او هو الملك او هو منير و فقط 
فهو الاستثناء .. 
يظل هو المطرب الاستثنائي .. صاحب الكلمة الموحية .. اللغة السهلة ولكن بمعاني مركبة عميقة  .. انت تستمع و تفكر و تنفعل 
الغناء هنا مشروع .. ليس ضربا من الترف .. 
المملكة التى تضم اكثر من 20 البوم تحتوي على اطياف الغناء مجتمعة
- اغاني للحبيبة . - اغاني للوطن .  - اغاني المعاناة الشخصية. - اغاني دينية . - اغاني نوبية . 
الاغاني هنا احلام وذكريات .. امانى تعيش معك .. تظل تحدثك فى الغربة وتهون الفراق  .. 
منير ..  لايهمنى اسمك .. لا يهمنى عنوانك .. لا يهمنى لونك ولا بلادك.. مكانك .. يهمنى الانسان .. 
منير يحدث الانسان ..  يغنى للحبيبة المجهولة الصامتة ..انت لا تعرف ولا تريد ان تعرف هل هى مصر ام هى الحبيبة ؟.. و بدون ان تعرف الاجابة  فان المتعة  واحدة والراحة متواجدة..
دائما هنا منير يحدثك عن حلمك الجديد .. و طموحك المتواصل .. محمد منير