~~~[[[ الفقيره ]]]~~~



يسعد صباح الفقر ياللي تذمّينه
في ذمتي ما انتي من الفقر معذوره

ماشلت هم الرغيف اللي تشيلينه
كل الهموم لسواد العين مذخوره

مانتي فقيره تقولين اليسر وينه
ياقطعة السكر من الملح ميسوره

من علّم الجوري أنشودة بساتينه
من هز ريش النعاس اللي كسا حوره

من ذكر الخيزران اللي نسى لينه
من جدل الليل لين اختال ديجوره

سلسالك الفضي - اصلا - لو تزمّينه
ماراحت أكثر عقود الماس مغروره

والأزرق الرث ياملحه ويازينه
أبها من أرضٍ نهار العيد ممطوره

مستورة الحال بس القاف تغرينه
ليه اتنحّى واخلي الحال مستوره

والله لأغني لفقرٍ غنت سنينه
لين أيسر المترفات تموت مقهوره

قالوا لي إن الجديل اللي تربينه
معه تربيت حلمٍ فاحت عطوره

قالوا بذاك الركن سرٍ تخبينه
ومرايةٍ من رداة الحظ مكسوره

لاينكسر مثلها الخاطر وتشقينه
تمنظري في المرايه حي هالصوره

مذكور جرحٍ ورى الأضلاع تخفينه
وتحت المخده رسالة عشق مذكوره

أثر الهوى جاي يسوق الشوق بإيدينه
غصنٍ جفاه اليباس وزف عصفوره

يامن يكون الحبيب اللي تحبينه
ياللي بوجه الليالي ثروره وثوره

وقت مضى ملمس اللعبه تمنينه
واليوم خضر القلوب ألعاب منثوره

الحزن .. ليه العيون السود في عينه
والبحه اللي ترد الروح مذعوره

فقرٍ ستيرٍ ولا ازكى من رياحينه
ولا نعيمٍ فضوحٍ تغرق زهوره

والميت اللي يبي دعوات حيّينه
كنتي وصاته ونزفه وآخر شعوره

يازمة الغيم ورخاية هدب عينه
ماقلت لك ماانتي من الفقر معذوره

عقاب6326436

قوه بنات شلونكم انا مشيعل مشيعل من الكويت ممكن تضيفوني عندكم وشاكر لكم فديتكم ورقمي7533176

اعتبر الفنان صالح الحريبي من الفنانين الذين وضعوا بصمة فنية كبيرة جدا في الفن الكويتي القديم والذي تفوح منه رائحة الماضي الأصيل المفقود حاليا وهو الفنان الوحيد الذي يمتاز بتمسكة بالتراث الكويتي الأصيل وكذلك صاحب صوت متعدد اللهجات واتمنى من الدولة ان تكرم هذا الفنان تكريما يليق بمكانته الكبيرة بالوسط الإعلامي وحسب مستوى الدولة بما اعطى دورا كبيرا وهاما بالمحافظة على الهوية الكويتية الأصيلة في مجال الفن