أنا حبيت
أنا حبيت واديت لحبيبي كل الي اتمناه
وسبت الدنيا بحالها عشانه .. وحلفت ما أنساه
بعد الحب ده كله لقيته .. بيسبني وماشي
وانا اتعب قلبي ليه مع واحد .. ملوش ولا غالي عليه
جيت على نفسي علشانه .. تعبت عشان يرتاح
اخرت صبري ده كله يبعني .. كده ريّح وارتاح
انا مش حندم على إخلاصي .. انا حندم على الايام
الي زمان عشتها مع واحد .. ملوش ولا غالي عليه
انا مش عايزه خلاص لو حكمت حفضل بعده وحيد
والي زمان كان مر في قربه .. حيحلى وهو بعيد
الي محسش يوم بمشاعري .. ليه حبكي عليه
وازاي حبكي في يوم على واحد
ملوش ولا غالي عليه
عمر الدنيا ما وقفت لحظة عشان اتنين سابه بعض
لازم اشوف الدنيا في غيره .. ولا اندم في يوم على بعد
الي شاريه بحياتي وباعني .. حيخسر بعدي كتير
وانا مش حخسر غير الماضي .. وبكره أحسن بكتير
أنا حبيت واديت لحبيبي كل الي اتمناه
وسبت الدنيا بحالها عشانه .. وحلفت ما أنساه
بعد الحب ده كله لقيته .. بيسبني وماشي
وانا اتعب قلبي ليه مع واحد .. ملوش ولا غالي عليه